ped bike
19 March 08
Hindi ako naninigarilyo. Ayoko din ang amoy nito lalong lalo na sa malamig na umaga na preskong presko ang simoy ng hangin…naku pag nalanghap ko ito sa taong sumakay ng bus, nauubo talaga ako. Hindi naman ako maarte…hindi ko lang talaga makaya…alam ko kung bakit mahirap alisin ang bisyo na ito pero di ko pa din maintindihan minsan kung bakit ang mga naninigarilyo ay may pagka-makasarili….kasi nga sarili lang nila ang naiisip hindi ang iba. Sariling kaluguran lang nila at hindi ang kalusugan ng iba.
Naging matindi ang pag-ayaw ko sa sigarilyo at amoy nito dahil sa ang anak ko ay may bronchitis. Sigarilyo ang isang sanhi nito…madalas pa din siyang sinusumpong at nung huling uwi nga namin para magbakasyon ay nag-level up pa sa asthma.
Hindi naman lahat ng naninigarilyo ay inconsiderate. Mayroon din namang mga nagkukubli at naninigarilyo sa kung saan walang tao. Tinatapon ang mga upos sa tamang tapunan. Yun nga lang nakakarami pa din ang hindi. Gaya ng lata na ito na makikita karaniwan sa siyudad, ang sindi ay pinapatay sa nakausling tubo tapos ay itinatapon sa lata.
Paminsan ay may mga taong hindi masyadong pinapatay ang sigarilyo…at dahil ang basurahan ay tinatapunan din ng ibang bagay na hindi naman dapat ay sumisindi ito…maniwala kayo talaga namang nakakainis ang amoy ng nasusunog na sigarilyo, basura, papel at plastik.
Minsan naman ay mayroong mga naninigarilyo na humithit pa bago sumakay ng bus…bawal ang manigarilyo sa bus kaya naman sa huling hithit at buga ay itinatapon na lang sa sahig…kadalasan nga yung buga ay haharap sila palayo sa pinto pero wag ka…dahil sa hangin papasok pa din sa loob…patawa!
—-
I don’t smoke. I don’t like the smell of smoke especially on an early fresh morning. Unfortunately, smokers tend to smoke more when it’s cold. So it can happen that a person getting in the bus has just finished smoking and of course, the smell stuck to his/her jacket would be so strong, I cough. 🙁
What’s so sad too is most smokers tend to be inconsiderate and selfish. (There are those who aren’t but those inconsiderate outnumber them tenfold.) They only think of themselves, do what they want without thinking of the hazards it will bring other people. Come on, if you wanna die smoking, don’t take us with you! Do it alone! 😛
More LP entries here.