market fruits
summer fruits

Noong huling akda, ipinakita ko sa  inyo kung gaano kalinis ang mga lansangan ng Vienna, ngayon naman ay tingnan ang malinis na palengke. Medyo luma na ang mga litrato dahil po sa hindi ako mashadong nakakapunta sa mga lugar lugar ngayon hehe. Sa  taas ay makikita ninyo ang aking anak na namimili ng prutas dito sa Naschmarkt,  sa unang distrito ng Vienna, sayang lang dahil may allergy siya sa ibang prutas kaya pili lamang ang pwede nyang kainin. Ngayon ko lang napansin meron palang langka sa litrato!

palengke
sorting

Dito ay makikita ang isang ginang na namimili naman ng dried fruits. Naalala ko ang ating kapwa litratistang pinoy na sina Pinky at Keith noon na may feature na dried kiwis sa isang LP entry. Kamakailan ay nakakakita na din ako ng dried mangoes na hindi gawang pinas pero hindi ko pa nasubukan. Sa baba naman ay mga wine at iba pang klase ng inumin, di ko lang alam kung may lambanog sila 😀

wine
all the wine…

Panghuli ay ang nut shop na ito na katabi ng honey shop. Mayroong mani, kasuy, almonds, walnuts, hazelnuts at kung anu ano pang kaseng nuts ang mabibili. Mabangong mabango ang parteng ito ng palengke lalo na kung niluluto nila ang mga kastanyas…

nuts
nuts

Nakapamili ka na ba para sa lulutuin mo? Bisitahin ang iba pang palengke, happy LP!

Share